गरिमालाई न्याय दिलाउन सरकारको पहल

बाराको जीतपुरसिमरा उपमहानगरपालिका–१ की तीन वर्षीया बालिका गरिमा चौधरीको बलात्कारपछि हत्या भएको घटनामा पीडित परिवारलाई न्याय दिलाउन सरकारले पहल थालेको छ। घटनाको अनुसन्धान र परिवारका मागबारे छलफल गर्न गृहमन्त्री सुधन गुरुङको नेतृत्वमा सरकारका प्रतिनिधि र गरिमाका आमा-बुबाबीच शुक्रबार गृहमन्त्रालयमा वार्ता भएको हो।

वार्तामा गरिमाका बुबा मनोज चौधरी र आमा मानमती चौधरीसहित परिवारका सदस्य तथा स्थानीय अभियन्ताको सहभागिता थियो। गृहमन्त्री गुरुङसँगै कृषिमन्त्री गीता चौधरी र कानुनमन्त्री सोविता गौतम पनि छलफलमा सहभागी भएका छन्।