फलफूल र यातायात क्षेत्रमा उच्च मूल्यवृद्धि

काठमाडौँ । चालू आर्थिक वर्षको वैशाख महिनामा वार्षिक बिन्दुगत उपभोक्ता मुद्रास्फीति ५.०४ प्रतिशत पुगेको छ। नेपाल राष्ट्र बैंकले सार्वजनिक गरेको आर्थिक तथा वित्तीय अवस्थासम्बन्धी विवरणअनुसार अघिल्लो आर्थिक वर्षको सोही महिनामा यस्तो मुद्रास्फीति २.७७ प्रतिशत रहेको थियो।

तथ्यांकले खाद्य तथा गैरखाद्य दुवै समूहमा मूल्यवृद्धिको दबाब बढेको देखाएको छ। समीक्षा अवधिमा खाद्य तथा पेय पदार्थ समूहको मुद्रास्फीति ४.६३ प्रतिशत र गैरखाद्य तथा सेवा समूहको ५.२६ प्रतिशत रहेको छ। गत वर्ष यही अवधिमा यी समूहमा क्रमशः १.५२ प्रतिशत र ३.४५ प्रतिशत मुद्रास्फीति थियो।