प्रतिभा बिजनेस स्कुलमा बिआइटी पढाइने

पोखराको पालिखेचोकस्थित प्रतिभा बिजनेस स्कुलले काठमाडौं विश्वविद्यालय अन्तर्गतको ‘ब्याचलर अफ इन्फरमेसन टेक्नोलोजी’ (बिआइटी) को अध्यापन गराउने भएको छ। पोखरामा सूचना प्रविधिको पहुँच बढाएर नयाँ जनशक्ति उत्पादन गर्नका लागि नयाँ पाठ्यक्रम अध्यापन गराउन थालेको स्कुलले बताएको छ।

स्कुलले सन् २०२६ अगस्टदेखि अध्यापन गराउने गरि नयाँ सेमेस्टरका लागि विद्यार्थी भर्ना गर्ने बताएको छ। पोखरा क्षेत्रका विद्यार्थीलाई सूचनाप्रविधि सम्बन्धी शिक्षा लिनका लागि अहिलेसम्म काठमाडौं धाउनुपर्नेमा अब त्या बाध्यता हटेको प्रतिभा माविका प्राचार्य किरण सापकोटाले पत्रकार भेटघाटमा बताए। काठमाडौं विश्वविद्यालयबाट सम्बन्धन प्राप्त यो कोर्ष गण्डकी प्रदेशमै पहिलोपटक सञ्चालन हुन लागेको स्कुलले बताएको छ।