हाइटी र सिरियाली आप्रवासीको टीपीएस हटाउन ट्रम्प प्रशासनलाई सर्वोच्च अदालतको अनुमति

वाशिङटन डीसी । अमेरिकी सर्वाेच्च अदालतले डोनाल्ड ट्रम्प प्रशासनलाई हाइटी र सिरियाका सयौँ हजार आप्रवासीलाई दिइएको टेम्पोररी प्रोटेक्टेड स्टाटस (टीपीएस) अन्त्य गर्न अनुमति दिएको छ । ६–३ को बहुमतले भएको फैसलामा अदालतले तल्लो अदालतका ती निर्णय उल्ट्याएको हो, जसले ट्रम्प प्रशासनलाई करिब ३ लाख ५० हजार हाइटीका र ६ हजार १ सय सिरियाली आप्रवासीको टीपीएस समाप्त गर्नबाट रोकेको थियो ।

टीपीएस युद्ध, प्राकृतिक प्रकोप वा अन्य गम्भीर संकटका कारण आफ्ना नागरिकलाई सुरक्षित रूपमा फिर्ता लिन नसक्ने देशका नागरिकलाई अमेरिकामा अस्थायी रूपमा बस्न र काम गर्न दिइने कानुनी सुविधा हो । यसअन्तर्गत उनीहरूले निश्चित अवधिसम्म निर्वासनबाट पनि संरक्षण पाउँछन् ।