बङ्गालको खाडीमा  २४ जना सवार मालवाहक जहाज डुब्यो

ओडिशा । भारतको ओडिशास्थित पारादीप तटबाट करिब २४० समुद्री माइल टाढा बङ्गालको खाडीमा पनामाको झण्डा भएको एउटा मालवाहक जहाज डुबेको छ। जहाजमा चालक दलका २४ सदस्य सवार रहेको अधिकारीहरूले बताएका छन्। दुर्घटनापछि भारतीय तटरक्षक बल र भारतीय नौसेनाले उद्धार अभियान सुरु गरेका छन्।

अधिकारीहरूका अनुसार उक्त मालवाहक जहाज ओडिशाबाट फलामे अयस्क बोकेर सिंगापुरतर्फ जाँदै थियो। जहाजले शुक्रबार ओडिशाको तटबाट आफ्नो यात्रा सुरु गरेको थियो। तर शनिबार बङ्गालको खाडीमा पुगेपछि जहाज डुबेको हो।