डोलेश्वरमा मेला सम्पन्न, एक करोड भेटी सङ्कलन

केदारनाथको शिर डोलेश्वर महादेव मन्दिरमा ३८ दिने श्रावणी मेला शनिबार साँझदेखि सम्पन्न भएको छ। गत साउन १ गतेदेखि सुरु भएको सो मेला शनिबार सूर्यविनायक नगरपालिकाका प्रमुख वासुदेव थापाले समापन गरेका हुन्।

सूर्यविनायक नगरपालिका‐८ सिपाडोलस्थित डोलेश्वर महादेव मन्दिरलाई २०६६ भदौ ६ गते केदारनाथको शिर घोषणा गरिएको थियो। घोषणा भएको दिन भएकाले शनिबार मन्दिरका चारैढोका खुलागरी दर्शनार्थीले मन्दिरभित्र प्रवेशगरी डोलेश्वरको शिलामा स्पर्श गरेरै पूजा गर्न पाउने व्यवस्था गरिएको केदारनाथको शिर डोलेश्वर महादेव संरक्षण तथा विकास समितिका अध्यक्ष धर्मराज बस्नेतले जानकारी दिए।