कुन फिल्मले कति कमायो ? बक्स अफिस रिपोर्टसहित ४३ सेवा समेटिएको मोबाइल एप सार्वजनिक

काठमाडौं । चलचित्र विकास बोर्डले आफ्नो आधिकारिक मोबाइल एप्लिकेसन ‘सिनेपा’ सार्वजनिक गरेको छ । मङ्गलबार बोर्डको २६औँ वार्षिकोत्सवको अवसरमा सूचना तथा सञ्चारमन्त्री डा. विक्रम तिमिल्सिनाले उक्त एपको उद्घाटन गरे ।

यस एपमार्फत प्रयोगकर्ताले चलचित्र क्षेत्रसँग सम्बन्धित विभिन्न महत्वपूर्ण जानकारीहरू सहजै प्राप्त गर्न सक्ने बोर्डले जनाएको छ । जसमा दैनिक बक्स अफिस कलेक्सन, बोर्डका गतिविधि तथा कार्यक्रमहरू, कलाकारहरूको आधिकारिक विवरण र नेपालमा छायाङ्कन गरिएका विदेशी चलचित्रहरूको तथ्याङ्क समावेश गरिएको छ ।