बाढी-पहिरोका कारण अवरुद्ध छन् यी राजमार्ग (विवरणसहित)

काठमाडौँ । पछिल्लो केही दिनदेखि भइरहेको अविरल वर्षाका कारण देशका विभिन्न भागमा बाढी र पहिरो जाँदा मुख्य राजमार्गहरू अवरुद्ध भएका छन्। नेपाल प्रहरीको पछिल्लो तथ्याङ्क अनुसार कोशी, बागमती, गण्डकी, लुम्बिनी र कर्णाली प्रदेशका थुप्रै सडक खण्डहरूमा यातायात प्रभावित भएको छ।

कोशी प्रदेशको भोजपुरमा मध्य पहाडी लोकमार्ग बाढीका कारण प्रभावित भएको छ, जहाँ अहिले वैकल्पिक बाटो समेत प्रयोग गरी एकतर्फी यातायात सुचारु गरिएको छ। यस्तै, इलामको मेची राजमार्गमा पहिरोका कारण सडक पूर्ण रूपमा अवरुद्ध भएको छ, यद्यपि त्यहाँ वैकल्पिक बाटो उपलब्ध छ।