सेनाले थाल्यो परीक्षण उत्पादन, चल्न थाल्यो १० वटा लुम

काठमाडौं । सरकारी स्वामित्वमा रहेर पूर्णरुपमा बन्द भएको हेटौंडा कपडा उद्योग ब्यूँताउन बर्तमान सरकारले बल गरिरहेको छ । विगत २६ वर्षदेखि बन्द भएको उद्योग सञ्चालनमा ल्याउन अहिले कपडाको परिक्षण उत्पादन भइरहेको छ । नेपाली सेनाले बिग्रीएर थन्किएका मेसिनहरुको मर्मत गर्दै परिक्षण उत्पादन थालेको छ ।

विगत २६ वर्षदेखि बन्द रहेको हेटौंडा कपडा उद्योगका तानहरू फेरि खटखट आवाज निकाल्दै कपडा बुन्न थालेका छन् । वर्षौँदेखि खिया लागेर कुरूप बनेका मेसिनहरूमा अहिले रंगीचंगी मसिना धागो दौडिन थालेका छन् । कुनै समय सुनसान बनेको उद्योग परिसरमा फेरि मेसिनको आवाज गुञ्जिएको छ, जहाँ विभिन्न रंगका कपडा बुन्ने परीक्षण भइरहेको छ ।