चिरीबाबुलाई आशिकाको प्रश्न : फिनिस कम्पनीसँगको सम्झौता फिनिस गर्न कुन सरकारले रोक्यो ?

राष्ट्रिय स्वतन्त्र पार्टी (रास्वपा) की सांसद आशिका तामाङले ललितपुर महानगरपालिकाका मेयर चिरीबाबु महर्जनको अभिव्यक्तिप्रति प्रश्न उठाएकी छन्।

फोहोर व्यवस्थापनको विषयमा सरकार र स्थानीय तहको भूमिकामाथि आलोचना गर्दै उनले महर्जनको अभिव्यक्तिप्रति प्रश्न उठाएकी हुन्। मेयर महर्जनले फिनिस कम्पनी र नेपाल सरकारबिच भएको सम्झौताका कारण स्थानीय तहले आफ्नै पालिकाभित्र फोहोर व्यवस्थापन गर्न नसकेको आशय व्यक्त गरेको भन्दै तामाङले त्यसको प्रतिवाद गरेकी हुन्।