पीएसए नेपाल स्याटेलाइट स्क्वासमा दीपकको विजयी सुरुवात

६ भदौ, काठमाडौं । नेपालमा पहिलोपटक आयोजना भएको पीएसए नेपाल स्याटेलाइट स्क्वास प्रतियोगिता–२०२६ मा नेपाली खेलाडी दीपक थापाले विजयी सुरुवात गरेका छन् ।

सातदोबाटोस्थित स्क्वास कोर्टमा भएको पुरुष एकलतर्फको खेलमा दीपकले बंगलादेशका बरुआ दुर्जयलाई ३–१ सेटले पराजित गरे । उनले पहिलो, तेस्रो र चौथो सेट क्रमशः ११–७, ११–४ र ११–४ ले जित्दा दोस्रो सेट ९–११ ले गुमाएका थिए ।