सन्तानले बिर्सिएको बाबुको कथा

आफ्ना सन्तानको भविष्य बनाउन जीवनभर संघर्ष गर्ने अभिभावक। त्यही अभिभावकलाई उमेर ढल्किँदै जाँदा सन्तानले बिर्सिंदै जान्छ। नेपाली समाजमा देखिँदै आएको यही बदलिँदो पारिवारिक सम्बन्धका विषयमा बनेको फिल्म बा ः एक योद्धाको ट्रेलर सार्वजनिक गरिएको छ।

संगीतकार हरि लम्सालको लेखन तथा निर्देशन रहेको फिल्मको ट्रेलरले बाबुको संघर्षभन्दा बढी उनले सन्तानबाट पाउने पीडा र त्यसले निम्त्याउने परिस्थितिलाई कथाको मुख्य आधार बनाएको संकेत गरेको छ। राजधानीमा आयोजित कार्यक्रममा सार्वजनिक ट्रेलरले बाबुआमाले सन्तानका लागि गर्ने त्याग र सन्तानले त्यसको मूल्य भुल्दै गएको अवस्थाबीचको दूरी देखाएको छ।