मानबहादुरको पाको उमेरमा युवा जोश

दोलखा । बैतेश्वर गाउँपालिका वडा नम्बर–६, नाम्दुका मानबहादुर तमाङ उमेरले ७१ वर्ष लागे । तर उनको जोश, मेहनत र प्रतिबद्धता हेर्दा भर्खर युवा अवस्था टेक्दै गर्दाको जस्तो छ । उनी मेहनत र पेसाप्रतिको प्रतिबद्धताले माटोमै सुन फलाउन सकिने विश्वास गर्छन् । भएको पनि त्यस्तै छ । उनले आफ्नै बारीमा ड्रागन फ्रुट खेती गरेर वार्षिक २० लाख बढी आम्दानी गर्न थालेका छन् ।

‘पहिलो वर्ष १० लाख आम्दानी भएको थियो’, मानबहहादुरले भने– ‘गत वर्ष १८ लाख आम्दानी भएको ड्रागन फ्रुट खेतीबाट यो वर्ष २० लाखभन्दा बढी आम्दानी हुने अनुमान छ ।’