निजी क्षेत्रलाई प्रोत्साहन गर्न हामी प्रतिबद्ध छौं : ऊर्जामन्त्री श्रेष्ठ

ऊर्जा, जलस्रोत तथा सिँचाइमन्त्री विराज भक्त श्रेष्ठले निजी क्षेत्रलाई प्रोत्साहन गर्न आफू प्रतिबद्ध रहेको बताएका छन्।

आइतबार सामाजिक सञ्जालमा लेख्दै मन्त्री श्रेष्ठले यस्तो बताएका हुन्। उनले मोरङ उद्योग व्यापार संघ र उद्योग संगठन मोरङका प्रतिनिधिहरूसँग गहन र उपलब्धिमूलक छलफल भएको बताएका छन्। वर्षायाममा बढ्ने विद्युत् उत्पादनलाई स्वदेशमै अधिकतम खपत गराउने गरी मौसमी विद्युत् महसुल र बढी विद्युत् खपत गर्ने उद्योग तथा ग्राहकलाई सहुलियत दरमा विद्युत् उपलब्ध गराउने व्यवस्था लागू गर्ने तयारीमा लागेको उनले जानकारी दिए।