अपाङ्‍गता भएका २४ प्रतिशत बालबालिका विद्यालय बाहिर

७ भदौ, काठमाडौं । अपाङ्गता भएका बालबालिकामध्ये २४.२० प्रतिशत विद्यालय बाहिर छन् । त्यसमध्ये १६.५५ प्रतिशत बालबालिकाले कहिल्यै विद्यालय टेकेका छैनन् भने ७.६५ प्रतिशत विद्यालय गए पनि हाल अध्ययनरत छैनन् ।

नेत्रहीन युवा संघका प्रोग्राम म्यानेजर प्रेम देवकोटाअनुसार ० देखि १७ वर्ष उमेर समूहका बालबालिकामध्ये १.२५ प्रतिशतमा अपाङ्गता पहिचान भएका छन् । अपाङ्गता भएका बालबालिकाको विद्यालय पहुँच हेर्दा ७५.९१ प्रतिशत हाल विद्यालयमा अध्ययनरत छन् । तर १६.५५ प्रतिशत कहिल्यै विद्यालय नगएका र ७.६५ प्रतिशत पहिले विद्यालय गए पनि हाल अध्ययनरत नरहेका छन् ।