पदको दुरुपयोग गरी ८३ लाखको जग्गा १८ लाखमा हडप्ने महिला प्रहरी निलम्बित

भारतको मध्य प्रदेशमा पदको दुरुपयोग गर्दै जबरजस्ती जग्गा खरिद गरेको र ठगी गरेको आरोप लागेकी कटनी शहरकी प्रहरी अधीक्षक (सीएसपी) नेहा पचिसियालाई तत्काल निलम्बन गरिएको छ।

राज्यका मुख्यमन्त्री मोहन यादवले उक्त घटनामा गम्भीरता देखाउँदै पचिसियालाई निलम्बन गर्न निर्देशन दिएका हुन्। कानून र व्यवस्थासँग जोडिएको मामिलामा कुनै पनि तहमा लापरवाही, दबाब वा शक्तिको दुरुपयोग सहन नगरिने मुख्यमन्त्री यादवले बताएका छन्। उनले निष्पक्ष अनुसन्धान गरी दोषीमाथि कडा कानूनी कारबाही हुने कुरामा जोड दिएका छन्।