गरिमालाई न्याय र हरेक छोरीको सुरक्षा

न्यायको प्रक्रिया नबिगारौँ, विधि र संविधानभित्रै बसेर गरिमाहरूलाई न्याय दिऔँ

त्यो दिन पनि अरू दिनजस्तै थियो। म कानुन मन्त्रालयमा आफ्नै काममा व्यस्त थिएँ। टेबलमा कानुनका मस्यौदा थिए, सुधार गर्नुपर्ने ऐनहरूको सूची थियो, छलफलहरू थिए, बैठकहरू थिए। यो वर्ष धेरैभन्दा धेरै आवश्यक कानुन निर्माण र सुधार गर्ने ठूलो लक्ष्य लिएर काम गरिरहेकी छु। सायद म यसमा अलि बढी अधैर्य पनि छु। तर देशले वर्षौँदेखि पर्खिरहेका कानुनहरू अब अझै पर्खिरहनु हुँदैन भन्ने हुटहुटी धेरै छ।