गोरखापत्रमा बझाङ्गी राजा जयपृथ्वीबहादुर सिंहको स्मरण

बझाङ्गी राजा जयपृथ्वीबहादुर सिंहको १५० औं जन्मजयन्तीको अवसरमा उहाँलाई स्मरण गरिएको छ । गोरखापत्र संस्थानमा आज उहाँको जन्मजयन्तीको अवसरमा योगदानको चर्चा गर्दै मूर्तिमा माल्यार्पण गरिएको छ ।

संस्थानका महाप्रबन्धक हिक्मतबहादुर रावलले सिंहको मूर्तिमा माल्यार्पण गर्दै उहाँको योगदानको स्मरण गर्नुभयो । सुदूरपश्चिमको बझाङ जिल्लामा १९३४ भदौ ७ गते जन्मनुभएका सिंह गोरखापत्रको प्रकाशनका लागि सुरुवाती कालमा खेल्नुभएको योगदान सराहनीय भएको बताउनुभयो ।