जापानमा २७ नेपालीको आत्म'हत्या: वैदेशिक रोजगारीको गम्भीर मानसिक संकट, तथ्याङ्कले तान्यो सरकारको ध्यान!

जापानमा मानसिक तनावका कारण आत्महत्या गर्ने नेपालीको संख्या चिन्ताजनक रूपमा बढ्दै गएको छ। नेपाली दूतावासका अनुसार २०८२ साउन १ देखि २०८३ असार १ सम्म ११ महिनाको अवधिमा ६६ जना नेपालीको मृत्यु भएको छ, जसमध्ये २७ जनाले आत्महत्या गरेका छन्। आत्महत्या गर्नेमध्ये १६ जना विद्यार्थी भिसामा जापान पुगेका नेपाली रहेका छन्।

दूतावासका कार्यवाहक राजदूत हरिहरकान्त पौडेलका अनुसार ठूलो सपना बोकेर जापान पुगेका धेरै विद्यार्थी अपेक्षा पूरा हुन नसक्दा मानसिक तनावमा पर्ने गरेका छन्। महँगो जीवनशैली, सीमित काम गर्ने अनुमति, चर्को शैक्षिक तथा होस्टेल शुल्क, नेपालबाट लिएको ऋणको दबाब र परिवारको आर्थिक अपेक्षाले उनीहरूलाई गम्भीर मानसिक दबाबमा पुर्‍याउने गरेको बताइएको छ।