रोड टु एभरेस्ट : साहसको कथा मात्र होइन, जलवायु संकटको ‘वेक अप कल’

काठमाडौं । हङकङका राज गुरुङ सानैदेखि प्रकृतिसँग नजिक हुन चाहन्थे । अक्करे भीर र चट्टान चढ्थे । साहसिक र जोखिमपूर्ण काम गर्न रुचाउँथे । थुप्रै साहसिक र जोखिमपूर्ण ट्रेलमा पदयात्रा गरेका छन् ।

समय पाउने वित्तिकै हङकङका जंगलका ट्रेलमा दौडिन्थे, त्यहाँका गगनचुम्बी भवन र उर्लिंदो समुन्द्रको पृष्ठभूमिमा सगरमाथा जित्ने सपना देख्थे । त्यो सपना पूरा गर्नु सजिलो भने थिएन ।