१८औं नाडा अटो शो: आकर्षणमा रोबोट, केन्द्रमा ईभी र पूर्वाधारको बहस

काठमाडौं । भदौ ९ गतेदेखि भृकुटीमण्डपमा सुरु हुने १८औं नाडा अटो शोमा यसपटक पनि जी-१ ह्युमनोइड रोबोट र गो-२ क्वाड्रुपेड प्रदर्शन हुने भएको छ । नाडाको स्वर्ण जयन्ती संस्करणको रुपमा हुन लागेको उक्त शोमा रोवोट मानब र रोबोट कुकुर प्रदर्शन हुन लागेको हो ।

तर, यसपटकको अटो शो रोबोटको रमाइलोमा मात्र सीमित नहुने नाडाले जनाएको छ । अटो शो नेपालले विद्युतीय सवारीमा गरिरहेको तीव्र रूपान्तरण र त्यसले निम्त्याएको पूर्वाधार चुनौतीमा केन्द्रित हुनेछ ।