बेल्जियमको अनुभव कि सेनेगलको गति : कसले काट्ला अन्तिम १६ को टिकट ?

वासिङ्टन । रेड डेभिल्स अर्थात् बेल्जियमले अब निकै खतरनाक सेनेगलको सामना गर्नुपर्ने भएको छ। समूह चरणमा उत्कृष्ट तेस्रो स्थान हासिल गर्ने टोलीहरूमध्ये एकका रूपमा नकआउट चरणमा प्रवेश गरेको सेनेगल अब बेल्जियमलाई पराजित गर्दै अन्तिम १६ मा पुग्ने लक्ष्यमा छ।

अफ्रिका कप अफ नेसन्स (एएफकन) को उपाधि विवादास्पद ढंगबाट गुमाएको सेनेगललाई कठिन समूहमा परे पनि यसपटकको विश्वकपमा लामो यात्रा गर्ने टोलीका रूपमा हेरिएको थियो। तर पहिलो दुई खेलमा फ्रान्स र नर्वेसँग पराजित भएपछि तेस्रो खेलमा इराकविरुद्ध जित्नैपर्ने दबाब उसमाथि थियो।