देशभर ९८ प्रतिशत धान रोपाइँ सम्पन्न

देशभर धान रोपाइँ उत्साहजनक रूपमा अघि बढेको छ। कृषि विभागका अनुसार हालसम्म कुल धानखेतीयोग्य जमिनमध्ये ९८ प्रतिशत क्षेत्रमा रोपाइँ सम्पन्न भएको छ।

विभागको तथ्याङ्कअनुसार देशभर १३ लाख ४१ हजार ७६४ हेक्टर क्षेत्रफलमा धान रोपाइँ सकिएको छ। गत वर्ष यही अवधिसम्म ९६ दशमलव ०८ प्रतिशत क्षेत्रमा मात्रै रोपाइँ भएको थियो। यस वर्ष गत वर्षको तुलनामा रोपाइँको दर करिब २ प्रतिशतले बढेको हो।