यू–१५ विश्वकपबाट रुसको फिफा प्रतियोगितामा पुनरागमनको सम्भावना

काठमाडौँ । युक्रेनमाथि आक्रमणपछि अन्तर्राष्ट्रिय फुटबलबाट निलम्बित रुसको एक टोली फिफाको प्रतियोगितामा पुनः सहभागी हुने सम्भावना देखिएको छ।

फिफाले अक्टोबरमा अजरबैजानमा आयोजना हुने उद्घाटन संस्करणको यू–१५ विश्वकप तथा फुटबल महोत्सव आफ्ना सबै सदस्य राष्ट्रका फुटबल संघका लागि खुला रहने घोषणा गरेको छ। यस निर्णयसँगै रुसको यू–१५ टोलीले फिफाको प्रतियोगितामा पुनरागमन गर्न सक्ने सम्भावना बढेको हो।