अलपत्र जीपी भवन लागूऔषध प्रयोगकर्ताको अखडा

झापा । निर्माण प्रक्रिया रोकिएर विगत ९ वर्षदेखि खण्डहर बनेको झापाको चन्द्रगढीस्थित गिरिजाप्रसाद कोइराला स्मृति सभागृह (जीपी भवन) लागूऔषध र मादक पदार्थ सेवनको अखडा बनेको छ । यतिबेला झापाको सदरमुकाम चन्द्रगढीलाई गिज्याई रहेको छ ।

झापाको भद्रपुर नगरपालिका–८ स्थित मेची रङ्गशालाको छेउमै छ निर्माणाधिन गिरिजाप्रसाद कोइराला स्मृति सभागृह (जीपी भवन) । निर्माणकै क्रममा खण्डहरजस्तो बनेको यो भवनको २०७२ साल असार २८ गते भब्य रुपमा शिलान्यास भएको थियो ।