प्रचण्डले गरे सत्ता केन्द्रित राजनीतिको आलोचना

काठमाडौँ- नेपाली कम्युनिस्ट पार्टीका संयोजक पुष्पकमल दाहाल ‘प्रचण्ड’ ले सत्ता केन्द्रित राजनीतिका कारण कम्युनिस्ट आन्दोलन रक्षात्मक अवस्थामा पुगेको बताएका छन्। कम्युनिस्टहरू निरन्तर सत्तामा केन्द्रित हुँदा पार्टी कमजोर बन्दै गएको उनले बताए।

आइतबार ‘कम्युनिस्ट आन्दोलनमा सहकार्य, एकता र पुनर्गठन’ विषयक अन्तरक्रिया कार्यक्रममा उनले सरकार निर्माण र परिवर्तनमा मात्रै केन्द्रित हुँदा आन्दोलन कमजोर बनेको टिप्पणी गरे। कम्युनिस्ट शक्तिहरूले अब सत्ताभन्दा माथि उठेर जनताका मुद्दा र आन्दोलनमा केन्द्रित हुनुपर्ने उनको भनाइ थियो।