होस्टेलमा युवकको हत्या : सञ्चालकसहित तीन जना पक्राउ

काठमाडौंको शङ्खमूलस्थित भ्याली ब्वाइज होस्टेलमा धारिलो हतियार प्रहार गरी युवकको हत्या गरेको आरोपमा तीन जना पक्राउ परेका छन्।

प्रहरीका अनुसार भदौ ५ गते होस्टेलको कोठा नम्बर १०९ मा बस्दै आएका २२ वर्षीय बसन्त कालाथोकीलाई चक्कु प्रहार गरी गम्भीर घाइते बनाइएको थियो। उपचारका क्रममा निजामती कर्मचारी अस्पताल, मीनभवनमा उनको मृत्यु भएको हो।