चालु आर्थिक वर्षमा १६६ विधेयक ल्याउने सरकारको लक्ष्य

सरकारले चालु आर्थिक वर्ष २०८३।८४ मा संघीय संसद्मा १६६ विधेयक पुर्‍याउने लक्ष्य लिए पनि आर्थिक वर्षको पहिलो महिनामा नयाँभन्दा पुराना कानुन संशोधन गर्ने विधेयकको संख्या बढी देखिएको छ।

कानुन, न्याय तथा संसदीय मामिलामन्त्री सोबिता गौतमले गत असार ३१ गते राष्ट्रिय सभा अध्यक्ष नारायण दाहाललाई भेटेर तथा प्रतिनिधिसभामा सम्बोधन गर्दै चालु आर्थिक वर्षमा १६६ विधेयक संसद्मा ल्याउने बताएकी छिन् । जसमध्ये ९७ वटा नयाँ कानुन निर्माणसम्बन्धी र ६९ वटा विद्यमान कानुन संशोधनसम्बन्धी विधेयक हुने रहेको छ।