वर्षा भएपछि तराईमा गर्मीबाट राहत

उखरमाउलो गर्मीबाट आलसतालस भएका सर्लाहीका स्थानीयले आइतबार दिउँसोको वर्षापछि राहत महशुस गरेका छन् । टन्टलापुर घाम र चर्को गर्मीका कारण छटपटिएका स्थानीयले पानी परेर शित्तल महसुस गर्न पाएका हुन् ।

लालबन्दी नगरपालिका–५ का खेम थापाले गर्मीका कारण उकुसमुकुस भएको अवस्थामा पानी परेर राहत मिलेको बताउनुभयो । बिहान उज्यालो हुँदादेखि नै घाम चर्किएर प्रभावित भएका स्थानीयलाई पानी परेर तत्कालका लागि गर्मीबाट मुक्ति मिलेको हो ।