सप्तरीमा दुई वर्षीया बालिकाको ह*त्यामा सौतेनी आमा पक्राउ

सप्तरीको शम्भुनाथ नगरपालिका–३ मा दुई वर्षीया बालिका खुशी खातुनको हत्या भएको घटनामा प्रहरीले उनकी सौतेनी आमा १९ वर्षीया मुस्कान खातुनलाई पक्राउ गरेको छ।जिल्ला प्रहरी कार्यालय सप्तरीका एसपी रूपक खड्काका अनुसार प्रारम्भिक अनुसन्धानबाट बालिकाको हत्यामा सौतेनी आमाको संलग्नता देखिएको हो।

आइतबार बिहान घरबाट हराएकी खुशीको करिब दुई घण्टापछि घर पछाडिको झाडीमा शव फेला परेको थियो। प्रहरीले शव पोस्टमार्टमका लागि राजविराजस्थित गजेन्द्रनारायण सिंह अस्पताल पठाएको छ।