विद्युतको समस्या समाधान गर्न मोरङका उद्योगीको माग

सुनसरी औद्योगिक करिडोरको विद्युत समस्या समाधान गर्न मोरङका उद्योगीहरूले माग गरेका छन् । मोरङ–सुनसरी औद्योगिक करिडोरमा लामो समयदेखि कायम अघोषित लोडसेडिङ, न्यून भोल्टेज र बारम्बार हुने ट्रिपिङको समस्या स्थायी समाधान गर्न उद्योगीहरूले माग गरेका हुन् ।

ऊर्जा, जलस्रोत तथा सिँचाइ मन्त्री विराजभक्त श्रेष्ठ समक्ष मोरङ उद्योग व्यापार संघ र उद्योग संगठन मोरङका पदाधिकारीहरूले भेट गरी १५ बुँदे ज्ञापनपत्रसमेत बुझाएको मोरङ उद्योग व्यापार संघका अध्यक्ष अनुपम राठीले जानकारी दिए ।