मधेशमा शृङ्खलाबद्ध अनियमितता, संघीयताविरोधीलाई बन्दैछ मसला

७ भदौ, जनकपुरधाम । मधेशलाई संघीयताको जननी भन्ने गरिन्छ । नेपालमा संघीयता स्थापनाको आन्दोलनलाई संस्थागत राजनीतिक एजेन्डा बनाउने काम तत्कालीन मधेशी जनअधिकार फोरमदेखि हालको जसपाल नेपाललाई जान्छ ।

२०६३/०६४ मा तत्कालीन मधेशी जनअधिकार फोरम नेपालको नेतृत्वमा पहिलो मधेश आन्दोलन सुरु भयो । पछि अन्य मधेश केन्द्रित दल मिसिएर मधेशी मोर्चाहरू बने । मधेश आन्दोलनले उचाइ लियो । आन्दोलनका प्रमुख मागमध्ये स्वायत्त मधेश, संघीय शासन प्रणाली र समानुपातिक तथा समावेशी प्रतिनिधित्व प्रमुख थियो ।