४६ लाख ९९ हजारमा Deepal Q05 नेपालमा सार्वजनिक, ५०६ किमि रेन्ज

काठमाडौं। चिनियाँ अटोमोबाइल कम्पनी चाङआनको नयाँ इलेक्ट्रिक एसयूभी Deepal Nevo Q05 नेपाली बजारमा सार्वजनिक भएको छ। आधुनिक डिजाइन, लामो ड्राइभिङ रेन्ज र फास्ट चार्जिङ प्रविधिसहित Q05 लाई कम्पनीले कम्प्याक्ट इलेक्ट्रिक एसयूभीका रूपमा बजारमा ल्याएको हो।

नेपाली बजारमा Q05 दुई भेरियन्टमा उपलब्ध हुनेछ। Max भेरियन्टको मूल्य ४६ लाख ९९ हजार रुपैयाँ र Ultra भेरियन्टको मूल्य ४९ लाख ९९ हजार रुपैयाँ तोकिएको छ। योसँगै Q05 Deepal ब्रान्डअन्तर्गत नेपालमा उपलब्ध तुलनात्मक रूपमा सुलभ इलेक्ट्रिक एसयूभी बनेको छ।