यात्रु झार्दै गरेको बसलाई ट्रकले ठक्कर दिँदा एक महिने शिशुसहित १२ जना घाइते

बर्दियाको बारबर्दिया नगरपालिकास्थित पूर्व-पश्चिम राजमार्गमा यात्रु झार्न रोकिरहेको बसलाई मिनी ट्रकले पछाडिबाट ठक्कर दिँदा एक महिने शिशुसहित १२ जना यात्रु घाइते भएका छन्।

घाइतेमध्ये एक जनाको अवस्था गम्भीर रहेको प्रहरीले जनाएको छ। बारबर्दिया नगरपालिका-९ खल्ला कतर्नियामा पूर्वबाट पश्चिमतर्फ जाँदै गरेको भे १ ख १७८६ नम्बरको यात्रुवाहक बसलाई सोही दिशातर्फ गइरहेको बी १०२००२ ख १३५३ नम्बरको मिनी ट्रकले ठक्कर दिएको हो।