इमरान खानको उपचारका लागि पाकिस्तान सरकारलाई पूर्व क्रिकेटरको दोस्रो पत्र, यी हुन् पत्र लेख्ने २१ पूर्व क्रिकेट कप्तान [सूची]

काठमाडौं– पाकिस्तानका पूर्वप्रधानमन्त्री तथा पूर्व क्रिकेट कप्तान इमरान खानको स्वास्थ्य अवस्थालाई लिएर विश्वभरका पूर्व क्रिकेट कप्तानहरूले चासो व्यक्त गरेका छन् । २१ जना पूर्व अन्तर्राष्ट्रिय क्रिकेट कप्तानले पाकिस्तानी प्रधानमन्त्री शाहबाज सरिफलाई पत्र लेख्दै इमरानलाई उचित उपचार तथा मानवीय व्यवहारको सुनिश्चितता गर्न आग्रह गरेका छन् ।

अगस्ट २३ मा लेखिएको पत्रमा इमरानको स्वास्थ्य परीक्षण सर्वोच्च अदालतको आदेशअनुसार गर्न र उनको उपचारमा आवश्यक चिकित्सकीय प्रक्रिया पूरा गर्न माग गरिएको छ । पत्रमा भारतका तीन, अस्ट्रेलियाका आठ, इंग्ल्यान्डका छ, वेस्टइन्डिज र श्रीलंकाका एक–एक तथा न्युजिल्यान्डका दुई पूर्वकप्तान सहभागी छन् ।