कालो सिसा राख्ने २१८ गाडी ट्राफिक कारबाहीमा, साढे ७ हजारदेखि १५ हजारसम्म जरिवाना !

काठमाडौं । काठमाडौँ उपत्यका ट्राफिक प्रहरी कार्यालयले सवारी साधनमा नियमविपरीत राखिएका कालो सिसा (टिन्टेड ग्लास) हटाउने अभियानलाई तीव्रता दिएको छ । अभियान सुरु भएयता हालसम्म उपत्यकाका विभिन्न स्थानमा नियमविपरीत कालो सिसा प्रयोग गर्ने २१८ वटा सवारी साधन कारबाहीमा परेका छन् ।

कार्यालयको तथ्याङ्कअनुसार १४ असार आइतबारदेखि सुरु भएको यस अभियानअन्तर्गत पहिलो दिन १० वटा, १५ गते ९९ वटा, १६ गते ८७ वटा र १७ गते बुधबार २२ वटा सवारी साधनलाई कारबाही गरिएको छ ।