बागमती प्रदेशसभामा विनियोजन विधेयक पेस

मकवानपुर । बागमती प्रदेशसभामा आगामी आर्थिक वर्ष २०८३/८४ को विनियोजन विधेयक प्रस्तुत गरिएको छ । बुधबार बसेको प्रदेशसभाको दोस्रो बैठकमा आर्थिक मामिला तथा योजना मन्त्री प्रभात तामाङले ‘प्रदेश विनियोजन विधेयक २०८३’ प्रस्तुत गरेका हुन् ।

मन्त्री तामाङले प्रदेश सञ्चित कोषबाट केही रकम खर्च गर्ने र विनियोजन गर्ने सम्बन्धमा व्यवस्था गर्न विधेयक पेस गरेका हुन् । बैठकमा उक्त विधेयकमाथि भएको सैद्धान्तिक छलफलमा भाग लिँदै प्रदेशसभा सदस्यहरूले बजेट कार्यान्वयनको प्रक्रिया र रकमान्तरको व्यवस्थामाथि प्रश्न गरेका थिए ।