डडेलधुरा पुगेर मुख्यमन्त्री भट्टले भने– ‘विगतका बेथिति रोक्दै फास्ट ट्र्याकबाट बजेट आउँछ’

धनगढी । सुदूरपश्चिम प्रदेशका मुख्यमन्त्री खगराज भट्टले बजेटविहीनताको अवस्था अन्त्य गर्दै फास्ट ट्र्याकबाट नयाँ बजेट ल्याउने बताएका छन्। आज बिहान नेपाल पत्रकार महासंघ डडेलधुराले आयोजना गरेको पत्रकार सम्मेलनमा बोल्दै उनले विगतका बेथिति अन्त्य गर्दै जनताले प्रत्यक्ष अनुभूति गर्ने गरी बजेट पुनर्लेखन गरिने बताए।

मुख्यमन्त्री भट्टले जनताको वास्तविक आवश्यकता र प्राथमिकतालाई केन्द्रमा राखेर जनजीविकासँग प्रत्यक्ष जोडिएका विषयलाई बजेटमा समेटिने बताए। दुर्गम तथा सीमान्तकृत समुदायका आवश्यकता र योजनालाई प्राथमिकतामा राखिने उनको भनाइ छ।