कृष्णभीरको बाटो कसरी बन्दैछ ? राजमार्गदेखि कति सडक बाढी पहिरोको चपेटोमा प¥यो ?

काठमाडौं । बाढीका कारण राजमार्ग अवरुद्ध बनिरहेका छन्। रसुवा क्षेत्रको सडक पूर्वाधारमा ठूलो क्षति भएको छ भने बाढीकै बहावका कारण कृष्णभीरमा सडक बगेको छ। राष्ट्रिय राजमार्ग नै बन्द हुँदा धेरै विषय प्रभावित बनेको छ भने अन्य क्षेत्रका सडकमा भएको क्षतिले सरकारलाई अतिरिक्त तनाव थपिदिएको छ ।

पृथ्वीराजमार्ग अन्तर्गतको कृष्णभीर पहिरोले अवरुद्ध बनाएको सडक खुलाउन अझै कम्तीमा १५ दिन लाग्ने भएको छ । भोटेकोशीमा आएको ठूलो बाढीका कारण त्रिशूली नदीमा पानीको बहाव बढेपछि कृष्णभीर क्षेत्रमा सडकको तल्लो भाग कटान भई राजमार्ग अवरुद्ध भएको छ ।