बारम्बार दोहोरिन्छ एलपी ग्यासको सङ्कट, भण्डारण क्षमता बढाउँदैमा के त्यो रोकिन्छ?

नेपालमा बारम्बार दोहोरिने खाना पकाउने एलपी ग्यासको अभाव सम्बोधनका लागि नेपालमै भण्डारण बनाउनेसहितका केही उपाय आफूहरूले देखेको अधिकारी तथा उद्योगीहरूले बीबीसीलाई बताएका छन्।

देशमा ग्यास तथा इन्धनको आयात तथा बिक्री नियमन गर्दै आएको आयल निगमसँग तेलको भण्डारण क्षमता भए पनि ग्यासको भण्डारण गर्ने संरचना छैन।