गिनीमा फोहोरको पहाड खस्दा ३० जनाको मृत्यु, उद्धार कार्य जारी

गिनीको राजधानी कोनाक्रीमा रहेको सबैभन्दा ठुलो ल्याण्डफिलमा फोहोरको पहाडी थुप्रो खस्दा ३० जनाको मृत्यु भएको छ।

केन्द्रीय सरकारले आइतबार बिहान यो जानकारी दिएको हो। अधिकारीहरूले स्थानीय समय अनुसार बिहान दुई बजेतिर सुरु भएको भारी वर्षाले कोनाक्रीको ल्याण्डफिल दार एस सलाममा फोहोर बगाएको र नजिकैका झुपडीहरू पुरिएको बताएका छन्। जीवित व्यक्तिहरू फेला पार्न खोज तथा उद्धार कार्य भइरहेको छ। घटनामा ६ जना गम्भीर घाइते भएका छन् भने धेरै घरहरू ध्वस्त भएका छन्।