तास्मिनियासँग १९२ रनमा अलआउट भयो नेपाल ‘ए’

काठमाडौँ- अष्ट्रेलियाको तास्मिनिया टोलीसँग नेपाल ‘ए’ पुरुष क्रिकेट टोली जम्मा १९२ रनमा अलआउट भएको छ।

एक दिवसीय खेलमा टस हारेर ब्याटिङको निम्तो पाएको नेपाल ए ले ४३ दशमलव ३ ओभरमा सबै विकेट गुमाउँदै जम्मा १९३ रनको लक्ष्य दिएको हो। नेपालका लागि कुनै खेलाडीले राम्रो प्रदर्शन गर्न सकेनन्। ओपनर मयन यादवले बनाएको ३२ रनमा आउट हुँदा अर्का ओपनर तृतराज दास सर्वाधिक ३७ रनमा मैदानबाट बाहिरिए।