कोशी प्रदेशका मुख्यमन्त्री कार्कीले आज विश्वासको मत लिँदै

विराटनगर– कोशी प्रदेशका मुख्यमन्त्री हिक्मतकुमार कार्कीले आज प्रदेशसभामा विश्वासको मत लिँदैछन् । विश्वासको मत लिने प्रयोजनका लागि कोशी प्रदेशसभा बैठक दिउँसो २ बजेका लागि बोलाइएको प्रदेशसभाका सचिव सुदर्शन खड्काले जानकारी दिए ।

नेपाली कांग्रेसले सरकारलाई दिएको समर्थन यही भदौ ३ गते फिर्ता लिएपछि मुख्यमन्त्री कार्कीले पुनः विश्वासको मत लिन लागेका हुन् । उनले मुख्यमन्त्रीका रूपमा विश्वासको मत लिन लागेको यो तेस्रो पटक हो।