स्टारशिपलाई टावरबाट समात्ने योजनामा फेरि ढिलाई, मस्कले के भने ?

काठमाडौं । अन्तरिक्ष क्षेत्रमा नयाँ प्रविधिको परीक्षण गरिरहेको स्पेसएक्सको सबैभन्दा महत्वाकांक्षी रकेट परियोजना स्टारशिपलाई प्रक्षेपण टावरबाट समात्ने योजनामा फेरि ढिलाइ हुने भएको छ ।

कम्पनीका प्रमुख एलन मस्कले स्टारशिपलाई टावरबाट समात्ने प्रयास अब केही महिनापछि मात्रै हुन सक्ने बताएका छन् । मस्कले सामाजिक सञ्जालमार्फत कम्पनीले केही महिनापछि टावरको सहायताले फर्किएको स्टारशिपलाई समात्ने प्रयास गर्ने बताएका हुन् । उनका अनुसार गत महिना स्टारशिप समुद्रमा अवतरण गरेको स्थानमा त्यतिबेला समात्ने टावर भएको भए रकेटलाई सुरक्षित रूपमा समात्न सकिने थियो ।