मुस्ताङमा थाक खेलकुद असोज ८ देखि

थाक खेलकुद तथा सांस्कृतिक विकास संघको ५२औँ संस्करणको थाक खेलकुद प्रतियोगिता असोज ८ देखि १० गतेसम्म थासाङ गाउँपालिका–३, लेते कालोपानीमा आयोजना हुने भएको छ। प्रतियोगितामा सर्वाधिक धनराशिको पुरुष तथा महिला भलिबल, छेलो, तारा खेल, आधुनिक आर्चरी, सांस्कृतिक तथा नृत्य प्रतियोगितालगायतका कार्यक्रम सञ्चालन गरिने भएको छ।

प्रतियोगितामा थकाली समुदायको पहिचान, संस्कृति र सभ्यता झल्किने विभिन्न कार्यक्रमसमेत आयोजना गरिने संघले जनाएको छ।