मस्को क्षेत्रमा ड्रोन आक्रमण, ३ जनाको मृत्यु

रुसको राजधानी मस्को वरपरको क्षेत्रमा आइतबार भएको ड्रोन आक्रमणमा कम्तीमा ३ जनाको मृत्यु भएको छ ।

क्षेत्रीय गभर्नर आन्द्रेई भोरोब्योभले दिएको जानकारीअनुसार एउटा आवासीय घरमा मानवरहित हवाई यान ठोक्किँदा एक महिलाको ज्यान गएको हो । साथै थप एक व्यक्ति भग्नावशेषमुनि फसेका र दुई पुरुषको पनि मृत्यु भएको पुष्टि भएको उनले बताएका छन् ।