के गर्दै छन् ‘मौन’ मन्त्री?

सार्वजनिक रूपमै अब नबोल्ने, चुप बस्ने घोषणा गरेका विज्ञान प्रविधि तथा नवप्रवर्तन मन्त्री महावीर पुनले मन्त्रालयको कार्यभार समालेको ७५ दिन पूरा भयो। यस अवधिमा उनले नेपालस्थित विभिन्न चार देशका राजदूतसँग भेट गरेका छन भने पाँच वटा कानुनको मस्यौदा तयार पारेका छन्। यसैगरी उनले मन्त्रालयको दरबन्दी संरचना (ओएनएम सर्भे) को काम पूरा गरेका छन्।

सरकारले पुनले समालिरहेको मन्त्रालयका लागि चालु आर्थिक वर्ष २०८३/८४ का लागि करिब चार अर्ब रकम छुट्याएको छ। पुनले पदभार ग्रहण गर्नेबित्तिकै उनले सरकारको कार्यकाल पाँच वर्ष भए पनि आफू तीन वर्षसम्म मात्र काम गर्ने घोषणा गरेका थिए।