कांग्रेस नागरिक अधिकार र आत्मसम्मानका विषयमा कुनै कम्प्रोमाइज गर्दैन : गगन थापा

काठमाडौँ । नेपाली कांग्रेसका सभापति गगन थापाले पार्टीले नागरिक अधिकार र आत्मसम्मानका विषयमा कुनै पनि कम्प्रोमाइज नगर्ने बताएका छन् । प्रजातान्त्रिक विचार समाजले आइतबार काठमाडौँमा आयोजना गरेको कार्यक्रममा सभापति थापाले वालेन्द्र शाह नेतृत्वको सरकारले सुकुमबासी बस्तीमा डोजर चलाएको विषयलाई इङ्कित गर्दै त्यस्तो बताएका हुन् ।

‘कांग्रेसले नागरिकको अधिकार र आत्मसम्मानका विषयमा कुनै पनि कम्प्रोमाइज गर्दैन,’ सभापति थापाले भने, ‘नागरिकको आत्मसम्मानको विषयमा पार्टी ठिक स्थानमा उभिन्छ । कुनै कम्प्रोमाइज गर्दैन ।’