गरिमा चौधरी हत्या प्रकरण : भिडियो सार्वजनिक पछि अनुसन्धानमाथि प्रश्न

बाराको जीतपुरसिमरा उपमहानगरपालिका १ भक्तिनगरकी तीन वर्षीया गरिमा चौधरीको बलात्कारपछि हत्या प्रकरणमा पक्राउ परेका १६ वर्षीय नाबालकसँग चिकित्सकले सोधपुछ गरिरहेको भिडियो सामाजिक सञ्जालमा सार्वजनिक भएपछि घटनाले नयाँ मोड लिएको छ।

आइतबार साँझदेखि सामाजिक सञ्जालमा फैलिएको भिडियोमा हतकडी लगाइएका नाबालकले चिकित्सकसँग घटनाबारे विभिन्न विवरण बताइरहेको देखिन्छ। उनले गरिमाको बलात्कार र हत्यामा आफू मात्रै नभई ‘प्रदीप खड्का’ नाम गरेका अर्का व्यक्तिको समेत संलग्नता रहेको बताएका छन्।