शिक्षामा २० प्रतिशत बजेटको बहस फेरि उठ्यो

काठमाडौँ- शिक्षा तथा खेलकुदमन्त्री सस्मित पोखरेलले शिक्षामा कुल बजेटको कम्तीमा २० प्रतिशत लगानी गर्ने अन्तर्राष्ट्रिय अभ्यास नेपालमा अझै कार्यान्वयन हुन नसकेको बताएका छन्।

विद्यालय शिक्षा विधेयकमाथि आयोजित परामर्श कार्यक्रममा उनले अहिलेको शिक्षा बजेटको करिब ७० प्रतिशत स्थानीय तहमा सशर्त अनुदानका रूपमा जाने भएकाले विद्यालय सुधार र शिक्षक कर्मचारीको सुविधामा स्थानीय सरकार निर्णायक हुने धारणा राखे।